Á Kisustofu erum við með 22 börn og er því mikil gleði hjá okkur.

Einu sinni á dag, eða fyrir hádegismat, setjumst við niður og syngjum saman ýmisleg skemmtileg lög með hreifingum ofl og hafa börnin mjög gaman af, í hverjum mánuði er svo eitt nýtt lag sem við syngjum, og notum tákn með tali.                                                                                                                                                                                                                                       .                                                                                                                                            Einu sinni í vikum hittum við svo Bangsastofu inni í sal og syngjum saman, hefur það vakið mikla lukku.

Börnin fara tvisvar í viku til Krisztinar inn í sal þar leggur hún mestu áherslur á jafnvægi og samhreyfingar og er ávallt mikið fjör bæði hjá henni og börnunum.

Hópastarf fer að mestu fram á morgnana og er börnunum skipt niður í litla hópa eftir aldri. Í hópastarfinu gerum við margt skemmtilegt þar á meðal förum við í könnunarleikinn, skoðum bækur, púslum, kubbum og margt fleira.

Við förum út einu sinni til tvisvar á dag og er útivera mikilvægur í leikskólauppeldi. Í útiveru leika börnin sér mest frjáls og er boðið upp á hefbundið leikefni.                                                                                                                                   Einnig förum við stundum með börnin í gönguferðir í nánasta umhverfi skólans. Á sumrin erum við meira úti.

Inni í Draumalandi fer öll listin okkar fram, þar málum við, leirum og litum.

Í Skýjaborg eru kubbarnir og þar inni og förum við líka í könnunnarleikinn.