Opið hús verður í Ársól þriðjudaginn 9. júní 2020 kl. 15. Opna húsið er fyrir foreldra barna sem eru á biðlista og aðra sem hafa áhuga á að skoða skólann og kynna sér starfsemi hans. Berglind skólastjóri tekur á móti gestum í íþróttasal skólans, segir frá starfinu og svo eru deildarnar skoðaðar.
ATHUGIÐ: Vegna takmarkana á samkomubanni og til að virða fjarlægðarmörk á milli einstaklinga verðum við að takmarka fjöldann sem heimsækir okkur. Því biðla ég til ykkar að einungis annað foreldri hvers barns komi á opna húsið. Ég vil einnig benda á að ef börnin ykkar eru óbólusett að ekki mæta með þau því það eru alltaf umgangspestir í gangi hjá okkur og betra að halda ungabörnum heima.
