Mikilvægt er að börnin mæti í þægilegum fatnaði sem heftir ekki hreyfigetu þeirra. Í leikskólanum eru þau mikið á hreyfingu og eins fá þau tækifæri til þess að nota ýmisskonar efnivið eins og málningu, liti, leir o.fl. sem getur farið í fötin. Því er mikilvægt að vera í fötum sem mega verða skítug svo þau geti tekið þátt í öllu leikskólastarfinu. Einnig er nauðsynlegt að börnin hafi aukaföt með sér í leikskólann. Leikskólinn ber ekki ábyrgð ef fatnaður skemmist vegna þess starfs sem fer fram innan veggja leikskólans.
Það sem þarf að vera til staðar í leikskólanum:
Í kassanum inni á deild:
- 2-3 samfellur
- 2-3 sokkabuxur
- Sokkar ef ekki sokkabuxur
- 2-3 léttar síðerma peysur
- 2-3 buxur
- Inniskór
- Merkt snuð
Til útiveru:
- Þunn húfa/buff
- Regnföt
- Kuldagalli
- Tvenn pör af vettlingum
- Ullarsokkar
- Þykk húfa
- Skór eða stígvél - en regnheldir og hlýir kuldasokkar ef börnin eru ekki enn farin að ganga. Harðbotna skór geta heft hreyfigetu barna sem eru enn í skriði og því alls ekki æskilegt að þau séu útbúin slíkum skóbúnaði.
Til svefns:
- Góður galli eða peysu/buxna sett, æskilegast úr ull
- Hlýir ullarvettlingar
- Hlýir ullarsokkar
- Góð húfa, æskilegast úr ull. Vegna öryggissjónarmiða er æskilegast að börnin séu með lambúshettu en ekki húfur með böndum.
- Góður vagnapoki eða annað sambærilegt. Yfir vetrartímann getur verið gott að einangra betur undir barnið með ullarteppi og jafnvel að hafa hlýtt aukateppi ef barnið er kulsækið.
- Í vögnum/kerrum skal vera rétt stillt beisli, flugnanet og regnplast. Við ítrekum að teppi ættu aldrei að vera notuð í stað flugnanets.
- *Börn sem sofa inni skulu hafa meðferðis gott teppi. Notkun kodda er ekki æskileg fyrr en upp úr 1 árs aldri.